Bo‘limning asosiy faoliyati: universitetning moddiy-texnik bazasini mustahkamlash, ta’lim jarayoni va universitet faoliyati uchun zarur bo‘lgan tovarlar, ishlar va xizmatlarni tashkil etish, shuningdek, xo‘jalik shartnomalarini tuzish va ularning ijrosini nazorat qilishdan iborat.
Bo‘limning asosiy vazifalari:
1. Moddiy-texnik ta’minot Universitetning o‘quv, ilmiy, ma’muriy va xo‘jalik faoliyati uchun zarur bo‘lgan jihozlar, mebel, qurilish materiallari, xo‘jalik mollari va boshqa moddiy resurslar bilan ta’minlash.
2. Xo‘jalik shartnomalari Tovar yetkazib berish, xizmat ko‘rsatish, ta’mirlash, qurilish va boshqa xo‘jalik ishlariga oid shartnomalarni tayyorlash, kelishish, rasmiylashtirish va ijrosini nazorat qilish.
3. Ta’mirlash va obodonlashtirish Universitet hududidagi bino va inshootlarning joriy ta’miri, obodonlashtirish, sanitariya va xo‘jalik ishlarini tashkil etishda ishtirok etish.
4. Moddiy boyliklar bilan ishlash Universitetga xarid qilingan moddiy boyliklarni qabul qilish, tegishli bo‘linmalarga topshirish va ulardan maqsadli foydalanilishini nazorat qilish.
5. Hisobot va hujjatlar Moddiy-texnik ta’minot va xo‘jalik shartnomalariga oid hujjatlarni yuritish, ma’lumotlar va hisobotlarni tayyorlash.
